不經不覺 2 月又到了
才發覺我掉棄了聲架仔好耐
近排返工患上左打電話恐懼及返早恐懼症

昨日紀念日過左澳門，輕鬆愉快既一 Day
返左工才發覺假期既重要，哈

2008 年，看到很多悲傷既事
四川大地震
禽流感
嘉禾五級火
再死中華鱘
了解‧關懷一百萬人的故事
金融海嘯
幾位朋友失去親人
等等 ………

踏入 2009 年
國金煙花一放
時代廣場的倒數
新蒲京大型倒數
新年快樂，
新既一年，
希望我認識既人都可以得到快樂

心情好了很多，謝謝每一位
最開心的亦最感動的是很多朋友及同事給我的支持和鼓勵
心裏總湧著負面情緒，
但，我心想，時間總會像海浪一樣，將煩惱的事情越推越遠
近期很喜歡鄭融的"問題少女"
當中一句 "問題再拋開 將所有問題拋到去窗外"
對，我是時候應該將所有問題也拋出窗外了
簡單地安慰自己，想著覺得煩惱? 不想那就不會覺得煩惱了
感覺這東西確實很奇妙，它可帶給人歡樂，也能帶給人悲哀
但人沒有了感覺，與木頭有何分別?

戀愛是容易談容易淡，唱得唔錯，哈

分手，好似好負面，但係，可能係唯一令到雙方都開心既一個方法
只感可惜，開心不開心，而家都唔緊要了
謝謝每一位朋友、莊員、同事，
你地既支持令我真係好感動
十六號晚 Chapman、彭彭、Fred、生、基基到 Fred 大角咀既新居傾傾計、玩玩 UNO，果晚之後，我真係開心左好多，同埋真係放底晒，謝謝佢地聽我既故事
我現在沒事了，放心吧，我愛你們

近排都係主要工作，其實都幾苦悶，但亦有好多趣事
03 既同事每一個都對我好好，我其實都幾鐘意0係呢度返工，但如果冇咁忙會更好
同事相繼得悉我分手既消息，謝謝佢地既慰問

十二號舉行左我人生第一個大學畢業禮，開心，但如果0係文化中心攪會仲開心
每位同學既爸爸媽媽都好Nice，好在前一日扣好晒D扣針，唔係既話都幾呢Hea，謝Gigee
 
 

十號去左馬灣影相，好開心既回憶，但D相好多都唔係好得，哈!~
其實一路都唔知佢內心為左數字而咁唔開心，對不起，我沒有深入的安慰妳
唉，我就係咁既人，我諗我要再細心少少喇
 

不知不覺已經0係 03 做左 2 個月喇，慢慢已經習慣，習慣左好多野，人、事、情等，都係一個得著既，初初真係覺得幾辛苦，但而家日日都係咁做又覺得冇咩，返而如果比我去到靜舖可能有D唔慣，我係指節奏，呢度真係快好多。慢慢地同 03 既同事熟，不過又唔係真係熟，哈哈，都幾矛盾。但都識左好多人，佢地對我都幾好，希望唔係因為我係經理先係咁吧，其實我真係想同佢地做朋友架，希望遲下可以啦，見到佢地真係會諗返起我以前一樣咁花樣少男少女，一樣咁玩得，拍拖返工，一大樂事，哈哈。我老了~~ 真的老了，陰公。

呢個星期開始學 Supervisor 既工作，記左好多野入腦，真係一時間都記唔切，個腦開始痴線中.....